The Noun: Kinds of Nouns
اسم اور اس کے اقسام
سبق نمبر:7
Parts of Speech کی بحث میں بتایا گیا ہے کہ (Noun) یعنی اسم ایسے لفظ کو کہتے ہیں جو کسی شخص، شے یا جگہ کا نام ہو، جیسے:
Majid is a good teacher
ماجد بہترین استاذ ہے
مذکورہ مثال میں لفظ (Majid) فرد متعین کو بتارہا ہے جبکہ جملہ کا دوسرا اسم یعنی لفظ (Teacher) ایک عام اسم ہے۔ کیونکہ لفظ Teacher اپنے معنی کے اعتبار سے ان تمام افراد کو شامل ہے جو طلبہ کو پڑھاتے ہیں۔ چنانچہ لفظ ( Majid) جوکہ متعینہ انسان کو بتارہا ہے اسے (Proper Noun) کہیں گے اور لفظ (Teacher) جو کہ تمام اساتذہ کو شامل ہے اسے (Common Noun) کہیں گے۔
Proper Noun : ایسا لفظ ہے جو کسی متعین شخص، شے یا جگہ کا نام ہو، جیسے:
(Ahmad) (Rashid) (Kolkata) (Mumbai)
Common Noun : ایسا لفظ ہے جو اپنی نوع کے تمام افراد کو شامل ہو، جیسے: (Animal) تمام جانوروں کے لئے یکساں طور پر بولا جاتا ہے۔ (Boy) تمام بچوں کے لئے استعمال کیا جاتا ہے۔ (Girl) تمام بچیوں کے لئے استعمال کیا جاتا ہے۔
Collective Noun : ایسا لفظ ہے جو اشخاص کے مجموعہ یا اشیاء کی مجموعی تعداد کو بتانے کے لئے استعمال کیا جاتا ہے۔ جیسے:
(Crowd) انسانوں کا مجمع۔ (Team) چند افراد کا گروہ۔ (Fleet) کشتیوں کا بیڑہ۔(Herd) جانوروں کا ریوڑ۔
Abstract Noun : ایسا لفظ ہے جو خوبی، وصف یا حالت کو بتائے۔جیسے:
(Goodness) اچھائی۔ (Darkness)تاریکی۔ (Honesty) ایمانداری۔
مذکورہ تینوں مثالوں میں خوبی کو بیان کیا گیا ہے۔
(Childhood) بچپن۔(Youth) نوجوانی۔ (Slavery) غلامی۔
مذکورہ تینوں مثالوں میں حالت کو بیان کیا گیا ہے۔ ایسے تمام اسماء جو کسی خوبی، وصف یا حالت کو بتاتے ہیں انہیں (Abstract Noun) کے تحت ہی رکھا جاتا ہے۔
اسی بحث کے تحت (Noun) کی مزید دو قسمیں بیان کی جاتی ہیں۔
Countable Nouns/Countables: وہ تمام اشیاء جنہیں شمار کیا جاسکے، چاہے وہ افراد انسانی میں سے ہو یا دیگر حیوانات و جمادات۔جیسے:
(Book) کتاب۔ (Pen) قلم۔(Boy) لڑکا۔(Horse) گھوڑا۔
مذکورہ تمام مثالوں میں ایسے اسماء مذکور ہیں جنہیں عرف عام میں شمار کیا جاتا ہے اور ان کی تعداد کو بتایا بھی جاتا ہے۔
Uncountable Nouns/Uncountables : ا یسی تمام اشیاء جنہیں شمار نہ کیا جاسکے یا عرف عام میں انہیں شمار نہیں کیا جاتا ہے۔ جیسے:
(Milk) دودھ۔ (Oil)تیل۔) (Honesty) ایمانداری۔ (Salt) نمک۔
مذکورہ تمام مثالوں میں ایسے اسماء بیان کئے گئے ہیں جنہیں شمار نہیں کیا جاتا ہے بلکہ عرف عام میں ان کی مقدار یا خاصیت کو دیکھا جاتا ہے۔
انگریزی زبان کے تمام اسباق ایک ساتھ بالترتیب پڑھنے کے لئے درج ذیل لنک پر کلک کریں:
سبق نمبر: 1 | Letter, Word and Sentence | حرف، لفظ اور جملہ |
سبق نمبر: 2 | Subject and Predicate | مبتدا اور خبر |
سبق نمبر: 3 | Phrase and Clause | جملہ ناقصہ اور فقرے |
سبق نمبر: 4 | Parts of Speech | اجزائے کلام |
سبق نمبر: 5 | Kinds of Sentences | جملوں کی اقسام |
سبق نمبر: 6 | W. H. Family | کلمات استفہام |
سبق نمبر: 7 | The Noun: Kinds of Nouns | اسم اور اس کی اقسام |
سبق نمبر: 8 | The Noun: Gender | اسم کی اقسام جنس کے اعتبار سے |
سبق نمبر: 9 | The Noun: Number | اسم کی اقسام باعتبار عدد | |||
سبق نمبر: 10 | The Noun: Case | اسم کی اقسام باعتبار حالت | |||
سبق نمبر: 11 | Direct Object and Indirect Object | مفعول بالواسطہ اور بلاواسطہ کی بحث | |||
سبق نمبر: 12 | The Adjective | صفت کی بحث | |||
| Pronouns and Personal Pronoun | ضمائر اور ذاتی ضمائر | |||
| Reflexive Pronouns | ضمائر رجعی | |||
آپ نے بہت ہی اچھے اور سہل انداز میں سمجھایا ہے
اللہ جزائے خیر دے