انگریزی زبان کی اہمیت
انگریزی زبان سیکھنے کا آسان اور معتبر پلیٹ فارم www.asjaduqaabi.com
انگریزی زبان کے تمام اسباق بالترتیب نیچے دیئے گئے ہیں
موجودہ وقت میں انگریزی زبان کی اہمیت و افادیت دو چند ہوجاتی ہے، ایک تو اس لئے کہ موجودہ دنیا میں تمام تر ایجادات اور نئی ٹیکنالوجی کی زبان انگریزی ہوگئی ہے۔ سوشل میڈیا اور بڑی تمام نیوز ایجنسیاں انگریزی زبان میں ہیں۔ ان حالات کے پیش نظر موجودہ دنیا میں حالات سے باخبر ہونے کے لئے اور خود کو باقی دنیا سے جوڑے رکھنے کے لئے انگریزی زبان ایسا وسیلہ اور آلہ ہے جس سے مفر کی کوئی گنجائش نہیں ہے۔دوسری بات ہمارے مذہب کے متعلق ہے، ہم اس بات سے بخوبی واقف ہیں کہ انگریز مورخین کی کثیر جماعت رہی ہے جنہوں نے مذہب اسلام اور صاحب اسلام حضرت محمد ﷺ کی ذات کو نشانہ بنایا ہے۔ سیرت رسول ﷺ پر لکھنے والے بیشتر انگریز مورخ وہ ہیں جنہوں نے سیرت کو غلط طریقے سے پیش کیا ہے اور مذہب اسلام پر ایسے اعتراضات کئے ہیں جن کا حقیقت سے کوئی تعلق نہیں ہے۔انگریزی زبان میں موجود بے جا اعتراضات کو بنیاد بناکر دیگر زبانوں میں بھی مذہب اسلام کی شبیہ بگاڑنے کی سعی جاری ہے، اور ایسے افراد کے لئے مغربی افراد کی مرتب کردہ کتابیں سند کا درجہ رکھتی ہیں۔حالانکہ ان کتابوں کی حیثیت حقیقت میں کاغذ کے پلندہ سے زیادہ نہیں ہے۔
ایسی صورت میں انگریزی زبان سے واقف افراد کو صحیح اور درست تعلیمات اسلامی سے آگاہ کرنا ہر مسلمان کا فرض ہے۔ اس سمت میں مدارس اسلامیہ کی جانب سے پیش رفت بھی کی گئی ہے اور کئے مدارس ایسے ہیں جہاں باضابطہ فارغین کو انگریزی زبان سکھائی اور پڑھائی جاتی ہے۔ اس کے خاطر خواہ فوائد بھی سامنے آئے ہیں اور علماء کرام کی ایسی جماعت تیار ہوئی ہے جنہوں نے حتی الامکان اس کام کو انجام دینے کی کوشش کی ہے اور یہ کوشش اب بھی جاری ہے۔
ہمارے مدارس اسلامیہ کے طلبہ اور علماء کرام کے لئے دقت طلب امر یہ ہے کہ باضابطہ انگریزی زبان سیکھنے کے لئے ہر کسی کے پاس دو سال فارغ نہیں ہوتے ہیں، ایسی صورت میں جو طلبہ یا علماء انگریزی سیکھنا چاہتے ہیں انہیں دقتیں پیش آتی ہیں۔ لیکن دوسری جانب اس زبان کی ضرورت سے انکار بھی نہیں ہے، اس لئے ہم نے آسان اور سہل زبان میں انگریزی گرامر کو لکھنے کا فیصلہ کیا ہے۔ مختصر اور جامع انداز میں تمام قواعد کی تمرین، تعریفات اور ان کے درست استعمال کو پیش کرنے کی کوشش کی جائے گی۔جو لوگ ابتدا سے انگریزی لکھنا یا پڑھنا چاہتے ہیں وہ ہماری ویب سائٹ www.asjaduqaabi.comسے استفادہ کرسکتے ہیں۔ویب سائٹ کھولنے کے بعد انگریزی گرامر (English Grammar)کے سیکشن پر جائیں اور انگریزی زبان کے اصول و قواعد سے مستفید ہوں۔ نیز بوقت ضرورت انگریزی زبان سے متعلق سوالات کے جوابات بھی دیئے جائیں گے۔ ان شاء اللہ۔
تمام اسباق بالترتیب حسب ذیل ہیں، پڑھنے کے لئے لنک پر کلک کریں:
سبق نمبر: 1 | Letter, Word and Sentence | حرف، لفظ اور جملہ |
سبق نمبر: 2 | Subject and Predicate | مبتدا اور خبر |
سبق نمبر: 3 | Phrase and Clause | جملہ ناقصہ اور فقرے |
سبق نمبر: 4 | Parts of Speech | اجزائے کلام |
سبق نمبر: 5 | Kinds of Sentences | جملوں کی اقسام |
سبق نمبر: 6 | W. H. Family | کلمات استفہام |
سبق نمبر: 7 | The Noun: Kinds of Nouns | اسم اور اس کی اقسام |
سبق نمبر: 8 | The Noun: Gender | اسم کی اقسام جنس کے اعتبار سے |
سبق نمبر: 9 | The Noun: Number | اسم کی اقسام باعتبار عدد |
سبق نمبر: 10 | The Noun: Case | اسم کی اقسام باعتبار حالت |
سبق نمبر: 11 | Direct Object and Indirect Object | مفعول بالواسطہ اور بلاواسطہ کی بحث |
سبق نمبر: 12 | The Adjective | صفت کی بحث |
سبق نمبر: 13 | Comparison of Adjectives | تقابلی صفات |
سبق نمبر: 14 | Pronouns and Personal Pronouns | ضمائر اور ذاتی ضمائر |
سبق نمبر: 15 | Reflexive Pronouns | ضمائر رجعی |
سبق نمبر: 16 | Relative Pronouns | اسمائے موصولہ |
ماشاءاللہ اچھی شروعات، اللہ تعالی جزائے خیر عطا فرمائے
جزاک اللہ خیرا
اَلسَلامُ عَلَيْكُم وَرَحْمَةُ اَللهِ وَبَرَكاتُهُ لا جواب ماشاءاللہ